Nuuk Hotel Apartments
Inissiat inuit sisamat tungaannut siniffissallit
Hotel Hans Egede 18-inik pisatsersorluakkanik inissiaateqarpoq, taakkua namminneq igaffeqarlutillu uffarfeqarput, errorsiveqarput Chromecast-ileriikkamillu TV-qarlutik. Taamaalillutit nammineq isiginnaarutit atorlugu stream-ikkatit TV-kut isiginnaarsinnaavatit. WiFi akimut aamma ilaareerpoq.
Inissiat 17-init – Nuuk Hotel Apartments by HHE – Samuel Kleinschmidt Aqqutaani portusuuliami, hotellemiit 400 miiterisut ungasitsigisumiittumi inissisimapput. Inissiat amerlanerit isikkivigissuupput assigiinngitsullu marluullutik; marlunnik initallit, sinittarfimmi marluuttarissamik siniffillit aappaattullu pingasunik initallit, sinittarfinni marluusuni immikkut marluuttarissanik siniffillit.
Inissiaq ataaseq Jagtvej-imi, umiarsualivitoqqamut qanittumi inissisimavoq. Nuup pulariaata tungaanut isikkiveqarpoq, qulaanilu taaneqareersut assigalugit pisatsersugaalluni:
Pingasunik initaqarpoq, sinittarfiup aappaa marluuttarissamik siniffeqarpoq aappaalu marlunnik ataasiuttarissanik siniffeqarluni.
Malugiuk, akimut nerisaqarnerit ilaanngimmata. Inissiat sivikinnerpaamik ulluni sisamani attartorneqarsinnaapput. Inissiat tamarmik pujortarfiunngillat.
Annertunerusumik paasisaqarusukkuit, saaffiginnittarfimmut attaveqarsinnaavutit uunga: booking@hhe.fl imaluunniit nittartagarput www.hhe.gl alakkarsinnaavat.
