AFBESTILLINGSREGLER

Akunnittarfinni pikkorissarnernut, ataatsimeersuarnernut annertunerusumillu aaqqissuussanut taamaatitsiinnarnermi piumasaqaatinut Kalaallit Nunaanni malittarisassat

Aaqqissuussaq akiliisitsinertaqanngitsumik taamaatiinnarneqarsinnaavoq aallartinnissaa sap. akunneri qulingiluat angullugit sioqqullugu nalunaarutigineqarpat.

Aaqqissuussamik taamaatitsinermi akiliisitsisoqassaaq, ininik attartornermi nerisaqartitsinermilu aki isumaqatigiissutaasimasoq aallaavigalugu;

  • Aallartinnissaq sioqqullugu sap. ak. 9-init siusinnerusumik taamaatitsinermi akiliutissat 25%-iat akiliutigineqassaaq.
  • Aallartinnissaq sioqqullugu sap. ak. 6-nit siusinnerusumik taamaatitsinermi akiliutissat 50%-iat akiliutigineqassaaq.
  • Aallartinnissaq sioqqullugu sap. ak. 2-nit siusinnerusumik taamaatitsinermi akiliutissat 75%-iat akiliutigineqassaaq.
  • Aallartinnissaq sioqqullugu sap. ak. 1-imit siusinnerusumik taamaatitsinermi akiliutissat 100%-iat akiliutigineqassaaq.

Peqataasussat ikilinerini ininik attartornermut nerisaqarnermullu akiliisitsisoqassaaq;

  • Aallartinnissamut sap. ak. 9-init siusinnerusumik sioqqutsilluni peqataasussat ikilinerinik nalunaartoqarpat akiliuteqartoqartassanngilaq.
  • Aallartinnissamut sap. ak.6-init siusinnerusumik sioqqutsilluni peqataasussat ikilinerinik nalunaarnermi 50%-imik akiliuteqartoqartassaaq.
  • Aallartinnissamut sap. ak. 2-nit siusinnerusumik sioqqutsilluni peqataasussat ikilinerinik nalunaarnermi 75 %-imik akiliuteqartoqassaaq.
  • Aallartinnissamut sap. ak. 1-imit siusinnerusumik sioqqutsilluni peqataasussat ikilinerinik nalunaarnermi 100 %-imik akiliuteqartoqassaaq.
  • Immikkkut kiffartuussinernut 100%-imik akiliisitsisoqartassaaq. Immikkut kiffartuussinerit tassaapput kiffartuussinerit, aaqqissuussinermut akunnittarfiup immikkut inniminnersimasai akunnittarfimmullu immikkut aningaasartuutaasut. Akiliutissat annikillisinneqassapput inniminnikkat nalinginnaasumik atugassaqarluni allamut tunineqarpata.
  • Aaqqissuussap aallartinnissaa sioqqutilaarlugu angallanneq pissutigalugu aaqqissuussaq kinguaattoorpat taamaatinneqarpalluunniit, periarfissaqarpoq imm. 2-mi aalajangersakkat nalileqqinnissaannut.
  • Aallartinnissaq kingusinnerpaamik sap. akunnerinik marlunnik sioqqullugu aaqqissuussisup/ilitsersuisup piffissanut pilersaarut/programmi nassiutissavaa, piffiit nerisarfissat nerisaqartitsinissallu allat allallugit.
  • Ineeqqat: Aallartinnissaq kingusinnerpaamik sap. akunnerinik sisasmanik sioqqullugu peqataasut unnuisussat aqqisa allattorsimaffiat nassiunneqassaaq.
  • Taamaatitsiinnarnermi piumasaqaatit tamakkua saneqqutaarneqassappata tamanna akunnittarfiup aaqqissuisullu akornanni allakkatigut isumaqatigiissutigineqassaaq. Tamanut saqqummiunneqarpoq ulloq oktobarip 14-iat 2011